اختبار القدرات.نتائج القدرات .قياس .قياس القدرات .القياس القدرات .القياس .موقع القدرات .نتائج اختبار القدرات .تسجيل القدرات .القدرات للبنات
الثلاثاء 23 سبتمبر 2014

جديد المقالات
جديد الأخبار


المتواجدون الآن



الأخبار
تجارب في القياس والقدرات
تجربة طالبة في اختبار القياس للجامعيين
تجربة طالبة في اختبار القياس للجامعيين
تجربة طالبة في اختبار القياس للجامعيين
أسئلة الرياضيات طبعا لها متعة غير
11-03-2012 12:15
فريق الموقعيب اختبرته قبل ثلاث شهور الظاهر
كانت تجربة حلوة , كنت مستمتعة بالإجابة على الأسئلة
وأسئلة الرياضيات طبعا لها متعة غير
لأني كلما قريت سؤال ابتسمت ابتسامة عريضة
وش ذا الخرابيط ؟؟ وش ذا الرموز ؟؟ من وين جت ؟؟ خخخخخخخ
عاد يقال لك حاطين ببداية الدفتر ونهايته اهم القوانين
يعني بالله وشلون بأعرف أستخدم القانون وأنا أصلا مو فاهمة السؤال !!

تقسيمات الاختبار كانت 5 أقسام

قسمين للمنطق .. مثلا يجيب لك 3 أشكال والرابع يكون فاضي
ويعطيك 4 اختيارات ويطلب منك تختارين الشكل اللي يرتبط بباقي الأشكال الثلاثة منطقيا
غالبية الأسئلة حلوة بس فيه كم سؤال يبغى له تركيز زي الأشكال اللي يقلبونها لك ويقولون وين الشكل المطابق لها
عاد أنتِ دبري نفسك .. قلبي عيونك ولا قلبي الدفتر ولا تشقلبي بكبرك خخخخخخخ

قسم لللغة العربية .. قسمي المفضل
كلمات ومعانيها .. أو كلمات ومرادفها
أو كلمتين مرتبطة ببعض زي مثلا ساعة : وقت
ويعطيك 4 خيارات مثلا : وقت : زمن
دقيقة : ساعة
دقيقة : ثانية
دقيقة : دقيقة
طبعا أنت بتختارين الخيار الثاني لأن الساعة جزء من الوقت
والدقيقة جزء من الساعة
ونرجو غض البصر عن السؤال لأنه مجرد مثال ض1

قسم للرياضيات
فيه أشكال هندسية ومسائل حسابية وحركات مدري وشي بصراحة
طبعا وشي أكيد أني أختار عشوائي حتى بدون ما أقرآ السؤال

والقسم الأخير استنتاج وتحليل .. مرة جميل
مثلا يعطيك قطعة وفيها احصائيات ويسألك بناء على هالاحصائيات
مثلا قطعة عن المبيعات .. ويعرض لك بعض المنتجات
وبعدين يطلب منك تختارين وش أكثر المنتجات مبيعا بناء على ماذكر في القطعة ؟
أو يعطيك قطعة مقسمة لأجزاء .. وكل جزء يتكلم عن فكرة
وعليك أنك تختارين العنوان المناسب لكل جزء وهكذا
يعني حلو مرة ويعتمد على فهمك للي تقرينه

اممممم بصراحة أنا ماتحمست للاستعداد له نهائيا
لأني أحس أنه معتمد على فهمك ومنطقك وثقافتك العامة مو معلومات تحفظينها وتجين
صح أني دخلت الموقع وسويت اختبار تجريبي بس مافادني بشي , لأنه كان مختلف تماما عن الاختبار الحقيقي
فقلت مابدهاش اعقليها يامنيرة وتوكلي
ورحت الحمد لله واختبرت وطلعت وأنا مرتاحة لأني أديت اللي علي
وجبت 79 .. لأني جبت العيد في الرياضيات .. فأتوقع هو اللي خرب علي
لكن الحمد لله أنا اختبرته عشان الماجستير لو قدمت .. وشرطهم أن نسبتك تكون أعلى من 70

وأتوقع فيه بمكتبة جرير كتب وسيديات تعطيك فكرة عن الاختبار
وتوفر لك اختبارات تجريبية بعد
وفيه دورات يسوونها بس والله مدري وين بالضبط !!

ملاحظة :
إذا كنتِ من النوع اللي يتوتر لا تناظرين الشاشة اللي قدامك
لأنهم بيحطون لك شاشة وكل قسم له وقت معين
وفي نفس الوقت حاولي تستعجلين في الإجابة
يعني لا تطولين في السؤال , إذا حسيتِ إنه سبب لك أزمة اتركيه وروحي للي بعده
وإذا خلصتِ كل الأسئلة ارجعي له لو بقى وقت..

تعليقات 0 | إهداء 0 | زيارات 879


خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


تقييم
6.55/10 (15 صوت)

محتويات مشابهة

محتويات مشابهة/ق

الافضل تقييماً

الاكثر مشاهدةً

الاكثر ترشيحاً

الافضل تقييماً/ق

الاكثر مشاهدةً/ق

الاكثر ترشيحاً/ق

Powered by Dimofinf cms Version 3.0.0
Copyright© Dimensions Of Information Inc.

اختبار القدرات.نتائج القدرات .قياس .قياس القدرات .القياس القدرات .القياس .موقع القدرات .نتائج اختبار القدرات .تسجيل القدرات .القدرات للبنات